லோக்கல் டைம்ஸ் : October 2019

Saturday 19 October 2019

தந்தூரி சௌக் உணவகம், மகாதேவபுரா, பெங்களூரு

பெங்களூரில் உள்ள மகாதேவபுரா பகுதியில் அமைந்துள்ளது தந்தூரி சௌக் உணவகம், மார்த்தஹல்லியில் இருந்து கே.ஆர். புரம் செல்லும் அவுட்டர் ரிங் ரோடில் உள்ள மகாதேவபுரா பஸ் ஸ்டாப்பில் இறங்கியவுடன் எதிர்புறம் மேம்பாலத்தில் கீழிருக்கும் சாலையை தாண்டியவுடன் பிரதான சாலையில் சிறிது தூரத்திலேயே தந்தூரி சௌக் உணவகத்தை காண முடிகிறது. சுவையான அசைவ உணவுகளுக்கு பெயர்பெற்றுள்ள இந்த உணவகம், பெயருக்கேற்றார் போல் தந்தூரி உணவு வகைகளை உணவுபிரியர்களின் ரசனைக்கு ஏற்ப விசேஷமாக சமைத்து வழங்கி இந்த பகுதியில் பிரபலமடைந்து வருகின்றனர்.

இந்த உணவகத்தில் என்னென்ன உணவு வகைகள் விசேஷமாக கிடைக்கும் என்று அங்கிருந்த பணியாளரிடம் சிறிது நேரம் பேசிய பின்னர் அவர் ஆலோசனையின் படி ப்ளைன் நான் மற்றும் சிக்கன் காலிமிர்ச் மசாலா ஆர்டர் காம்பினேஷனை தேர்ந்தெடுத்து ஆர்டர் செய்தேன். ஆர்டர் செய்த உணவு வருவதற்குள் அங்கு வந்திருந்த வாடிக்கையாளர் ஒருவரிடம் சிறு பேட்டியும் எடுத்து முடித்தேன்.

சில நிமிட காத்திருப்புக்கு பின் ப்ளேட்டில் சூடான நான் தொட்டு கொள்ள கிண்ணத்தில் சிக்கன் காலிமிர்ச் மசாலா டேபிளில் பறிமாறப்பட்டது, சரியான சூட்டில் நன்கு வெந்த நான் கூடவே காரம் அதிகமில்லாமல் அருமையான காலிமிர்ச் கிரேவி மசாலாவில் பதமாக வெந்த சிக்கன் கறி துண்டுகளின் சுவை பற்றி சொல்லவும் வேண்டுமா? சுவையான அசைவ உணவு சாப்பிட்ட திருப்தியுடன் அன்றைய மதிய உணவு வேளை முடிந்தது. இந்த உணவகத்தில் பிரியாணியும் மிகவும் விசேஷம் என்று அங்கு வந்து கொண்டிருந்த டேக் அவே ஆர்டர்களை பார்க்கும்போது தெரிந்தது. அசைவ உணவுப்பிரியர்கள் சந்தர்ப்பம் கிடைத்தால் தந்தூரி சௌக்கிற்கு ஒருமுறை வந்து சாப்பிட்டு பாருங்கள்.

இந்த வாரம் லோக்கல் டைம்ஸில் தந்தூரி சௌக் உணவகம் பற்றிய அறிமுகத்துடன் பற்றி அங்கு சந்தித்த வாடிக்கையாளர் ஒருவரின் பேட்டி மற்றும் உணவக உரிமையாளர் திரு. அர்ஜுன் அவர்களின் சிறு பேட்டியும் காணொளி காட்சியாக இடம்பெறுகிறது.

இதுவரை, லோக்கல் டைம்ஸின் யூ டியூப் சேனலில் இணையாதவர்கள் இணைந்து கொள்ள பின்வரும் இணைப்பை கிளிக் செய்து லோக்கல் டைம்ஸ் சேனலில் இணைந்து, சேனலை லைக் செய்யுங்கள் உங்கள் நண்பர்கள், உறவினர்களுக்கு முகநூல், டிவிட்டர், வாட்ஸ் அப் சமூக வலைதளங்கள் மூலம் பகிர்ந்து கொள்ளுங்கள். லோக்கல் டைம்ஸ் யூ டியூப் சேனல்: இங்கு கிளிக் செய்யவும் -

-----------------------------------------------------

------------------------------------------------------

சமூக ஊடகங்களில் பின் தொடர

----------------------------------------------- தமிழர் டைம்ஸ் இதழ்கள்

-------------------------------------------------------

Tuesday 8 October 2019

ஸ்ரீ மஞ்சுநாத் உணவகம் - பி. நாராயணபுரா, பெங்களூரு

பெங்களூரில் உள்ள பி நாராயணபுரா பகுதியில் காமதேனு நகரில் உள்ளது ஸ்ரீ மஞ்சுநாத் உபகார், உபகார் என்றால் டிபன் என்று பொருள். இந்த உணவகம் வைட்ஃபீல்டு சாலையில் இயங்கும் புகழ்பெற்ற வன்பொருள் தயாரிப்பு நிறுவனமான ஹெச்பி நிறுவனத்துக்கு இடது புறத்தில் செல்லும் சாலையில் சிறிது தூரம் உள்ளே சென்றால் வரும் காமதேனு நகர் பகுதியில் அமைந்துள்ளது. காலை 7 மணிக்கு சுடச்சுட இட்லி, தோசை, பூரி, வடை, கலந்த சாதம் கேசரிபாத், காராபாத் (நம்ம ஊரு ரவா உப்புமா) என்று வகைவகையாக இந்த உணவகத்தில் வழங்குகிறார்கள். பூரி, தோசை, மசாலா தோசை போன்ற உணவு வகைகள் நாம் ஆர்டர் செய்த உடன் சுடச்சுட தயார் செய்து தருகிறார்கள், சில நிமிடம் காத்திருந்தால் சூடான உணவு வகைகளை ருசிக்க முடிகிறது,

உணவகத்தில் நின்றுகொண்டே சாப்பிடுவதற்கு வசதியாக வட்ட மேஜைகள் போடப்பட்டுள்ளது, நின்று கொண்டு சாப்பிட விரும்பாதவர்களுக்கு பார்சல் செய்தும் தருகிறார்கள், பார்சல் வாங்கிச் சென்று வீட்டிற்குச் சென்று நிதானமாக ரசித்து, ருசித்து சாப்பிடலாம், காலை 7 மணி முதலே இந்த உணவகத்துக்கு கூட்டம் வரத் தொடங்கி விடுகிறது, இங்கு நான் சாப்பிட்டுக் கொண்டிருக்கும்போதே இந்த உணவகத்திற்கு வந்த ஒரு வாடிக்கையாளரிடம் பேச்சு கொடுத்தேன், கடந்த இரண்டு ஆண்டுகளாக காலை மற்றும் மதிய உணவு இங்கு தான் சாப்பிட்டு கொண்டிருப்பதாக கூறினார், சுவையும் தரமும் மிகவும் நன்றாக இருப்பதாக அவர் மகிழ்ச்சி தெரிவித்தார், அவரிடம் ஒரு சிறு பேட்டி எடுத்துள்ளேன்.

மேலும் இந்த உணவகத்தின் உரிமையாளர் திரு. பிரசாந்த் ஷெட்டி, அவர்களிடமும் ஒரு சிறு பேட்டி எடுத்துள்ளேன். அவை ஸ்ரீ மஞ்சுநாத் உபகார் உணவகத்தின் அறிமுகத்துடன் காணொளி காட்சியில் இடம் பெற்றுள்ளது. காலை மற்றும் மதிய நேரத்தில் மட்டுமே இந்த உணவகம் இயங்குகிறது. சூடான சுவையான தரமான உணவு வகைகளை தருவது இந்த உணவகத்தின் பிளஸ் . மைனஸ் என்று பார்த்தால் சிறிய இடத்தில் இயங்குகிறது, நின்று கொண்டுதான் சாப்பிட முடியும். ஆனால்உணவின் சுவையும் தரமும் இந்த சிறு குறையை காணாமல் போகச் செய்து விடுகிறது.

இதுவரை, லோக்கல் டைம்ஸின் யூ டியூப் சேனலில் இணையாதவர்கள் இணைந்து கொள்ள பின்வரும் இணைப்பை கிளிக் செய்து லோக்கல் டைம்ஸ் சேனலில் இணைந்து, சேனலை லைக் செய்யுங்கள் உங்கள் நண்பர்கள், உறவினர்களுக்கு முகநூல், டிவிட்டர், வாட்ஸ் அப் சமூக வலைதளங்கள் மூலம் பகிர்ந்து கொள்ளுங்கள். லோக்கல் டைம்ஸ் யூ டியூப் சேனல்: இங்கு கிளிக் செய்யவும் -